Vælkomin

Kunning um tilmelding

Tú meldar til undir "Tilmelding" ovast til høgru ella undir "Liðyvirlit"

Svimjing fyri børn og vaksin

Havnar Svimjifelag bjóðar svimjifrálæru til børn frá tey eru 4 ára gomul og til vaksin, ið ynskja at læra seg at svimja og til tey meira royndu. Tað hevur stóran týdning, at so nógvir føroyingar sum gjørligt læra seg at svimja, vit eru jú eitt oyggjasamfelag, og havið er ein natúrligur partur av okkara mentan.

Vit byrja aftur

Svimjingin hjá Havnar Svimjifelag byrjar eftir ætlan mánadagin 8. september 2025. Tilmeldingin fer fram her á síðuni og letur alment upp í viku 36.

Tilmeldingarsíðuna finnur tú undir "liðyvirlit" ovast á síðuni. Tilmeldingin letur upp týsdagin 2.sep kl 18.

Svimjiskúlin fyri børn er skipaður eftir førleika

Svimjifrálæran er fyrst og fremst skipað eftir førleika og síðani eftir aldri, tí tá er lættari hjá venjarunum at leggja eina skilagóða venjing tilrættis og tað betrar um úrtøkuna hjá hvørjum einstakum.

Tey ymisku førleikastigini eru býtt upp í litir: Hvít, Ljósagul, Gul, Appilsingul, Grøn og Blá. Mett verður javnan um støðið hjá hvørjum barni sær og avgera venjarar, hvar barnið eigur at svimja.

Umráðandi er at børnini standa klár at leypa í hylin tá venjingin byrjar. Tað vil siga, standa við kantin, verða vaskað, í svimjibrillum og svimjihettu og hava verið á wc.

Limagjald

Tilmeldingargjaldið er frá primo september til og við ultimo apríl. Tað ber ikki til at luttaka í svimjifrálæruni, fyrr enn limagjaldið er goldið. Finna tit útav, aftaná eina ella tvær venjingar, at svimjing ikki er nakað fyri barnið, kunnu tit fáa luttøkugjaldið afturgoldið, minus 100kr. Sostatt verður barnið frámeldað, og annar svimjari fær bjóðað plássið. Havnar Svimjifelag fylgir frídøgum og feriu hjá skúlunum.

Avlýsingar

HS kann ikki tryggja, at vit altíð sleppa í hylin, sambært ætlan, tí HS hevur ikki nakra ávirkan á uttanfyristandandi umstøður. Tá ið venjarin fær forfall, gera vit alt fyri at finna ein avloysara. Um tað ikki eydnast eru vit takksom, um foreldur vilja hjálpa okkum.

Broytingar

Broytingar kunnu koma fyri. Til dømis kunnu lið verða niðurløgd, um tað ikki er nóg stór undirtøka, tískil kann venjingarstaður og venjingartíð broytast.

Svimjiárið 2025/2026

Hvít, Gul og Appelsingul venja:

7. sept. - 8. des.

5. jan. - 6. apríl

Grøn, Blá og Fyrireiking venja:

7. sept. - 12. des.

6. jan. - 10. apríl

Vant verður ikki tá skúlarnir hava feriu.

Systkinaavsláttur

Fult gjald er fyri dýrasta barnið. Tey eftirfylgjandi børnini fáa 20% í avsláttur. Fyrst verður goldið fult fyri øll, og síðani skriva tit til [email protected] við upplýsingum um:

1) Hvussu liðini eita

2) Hvussu børnini eita

3) Tykkara kontonummar

Hetta skal avgreiðast áðrenn heystferiuna, ynskir man systkinaavsláttur.