Svimjiskúlin byrjar hesa vikuna
Nú er bíðitíðin av – hesa vikuna byrjar Svimjiskúlin hjá Havnar Svimjifelag aftur!
Vit gleða okkum nógv til at bjóða øllum svimjarunum vælkomnum til eitt nýtt svimjiár, og vit vóna, at bæði nýggir og royndir svimjarar fáa eina góða byrjan.
Her eru nakrir praktiskar upplýsingar, sum eru góðir at hava við sær til fyrstu venjing.
Svimjing í Eysturskúlanum
Tey liðini, sum svimja í Eysturskúlanum, skulu brúka inngongdina, sum er víst á myndini niðanfyri.
Svimjing í Gundadali sunnudag og mánadag
Tey liðini, sum svimja í Gundadali sunnudag og mánadag, skulu brúka starvsfólkainngongdina. Sí myndina niðanfyri.
Foreldur kunnu koma við fyrstu ferð
Til fyrstu venjingina er sjálvandi í lagi, at foreldur koma við inn og hjálpa børnunum at finna seg til rættis.
Eftir fyrstu venjingina heita vit tó á foreldrini um at siga farvæl við børnini uttanfyri og bíða úti í gongini, meðan venjingin er.
Hetta hjálpir okkum at skapa góðar og róligar karmar um venjingina og gevur venjarunum bestu møguleikar at hava fokus á børnunum.
Upplýsingar um títt lið
Nærri upplýsingar um venjingartíðir o.a. hjá einstøku liðini finnur tú her:
Vit gleða okkum til at síggja tykkum øll og til eitt gott og stuttligt svimjiár saman!