Tilmeldingin til svimjiskúlan letur upp hósdagin kl. 20.00

Hósdagin 20. august kl. 20.00 letur almenna tilmeldingin til svimjiskúlan hjá Havnar Svimjifelag upp.

Vit hava fleiri ymisk svimjilið, sum eru býtt upp eftir aldri, royndum og svimjiførleikum. Tí er umráðandi, at barnið verður meldað til tað liðið, sum hóskar best til førleikarnar.

Hyggið væl gjøgnum vegleiðingina longu nú

Vit mæla øllum foreldrum til at hyggja væl ígjøgnum vegleiðingina niðanfyri, áðrenn tilmeldingin letur upp.

Í vegleiðingini síggja tit, hvørji lið eru, hvørjum tey eru ætlað, og hvat barnið skal duga fyri at verða meldað til tey ymisku liðini.

Finn rætta liðið til títt barn longu nú, so tit eru klár, tá tilmeldingin letur upp hósdagin kl. 20.00.

Hvørjum liði skal barnið meldast til?

Vel tað liðið, sum best samsvarar við aldur, royndir og svimjiførleikar hjá barninum. Um tað vísir seg, at eitt barn er komið á eitt lið, sum ikki samsvarar við førleikarnar, kann tað gerast neyðugt at flyta barnið á eitt annað lið.

Avmarkað pláss á liðunum

Tað er avmarkað pláss á teimum ymisku liðunum, og tí kunnu summi lið skjótt verða fullteknað.

Tilmeldingin letur upp hósdagin 20. august kl. 20.00.

Vit gleða okkum til eitt nýtt og spennandi svimjiár í Havnar Svimjifelag!