Dómaraskeið 30. – 31. mai 2026
Rókur í Jákupsstovu eigur myndina
Svimjisamband Føroya skipar fyri dómaraskeiði vikuskiftið 30. – 31. mai 2026.
Í hesum sambandi koma tveir undirvísarar úr Danmark til Føroya at standa fyri undirvísingini. Skeiðið er eitt grundskeið til tíðtakara og vendidómarar, og er tí serliga viðkomandi fyri øll, sum ynskja at hjálpa til við svimjikappingar.
Skeiðið er skipað soleiðis, at luttakararnir fyrst skulu taka eina e-læru, sum tekur umleið 1,5 tíma, áðrenn skeiðsdagarnar 30.–31. mai. Sjálvt skeiðið í Føroyum verður umleið 4–5 tímar til longdar.
Vit vóna, at so nógv sum gjørligt taka lut á skeiðnum – serliga við atliti at, at Føroyar skulu hýsa Oyggjaleikunum í 2027. Tað er týdningarmikið, at vit hava nógvar skikkaðar tíðtakarar og vendidómarar klárar til komandi kappingar.
Avmarkað pláss er á skeiðnum, so tað ræður um at gera skjótt av.
Tilmeldingarfreistin er 13. mai kl. 12.00.
Tilmelding fer fram við at senda teldupost til [email protected].