Svimjingin byrjar aftur í morgin, 7. september

Góðu tit øll – endiliga byrjar svimjing aftur. Tí í morgin, mánadag 7. september, byrja vit aftur at svimja í Ægir  

Hygg í kalendaran og tú sær júst nær títt lið svimur.

Tá vit eru um 200 børn og ung, sum fara í hylarnar í Klaksvíkar svimjihøll hvønn mánadag,  mugu vit ansa væl eftir hvørjum øðrum, og luta væl eftir venjarunum.

Hesi tingini minnast vit øll:

• Vit vaska okkum væl um allan kroppin, áðrenn vit fara í svimjihøllina 
• Vit fara í hylin, tá venjarin sigur, at vit kunnu fara (ikki áðrenn) 
• Vit tosa pent og vinarligt við hvønn annan 
• Vit renna ikki í svimjihøllini 
• Vit fara ikki í rutsjubánan (uttan at venjarin sigur at vit kunnu). Vit mugu heldur ikki ganga upp í sjálva økuna beinleiðis úr hylinum.
• Møtt verður rættstundis. Tað er uml. 5 -10 minuttir áðrenn svimjingin byrjar, so vit vaskaði standa klár á kantinum, tá venjingin byrjar.

Vit gleða okkum 😊