ÍA sett nýggjan høvuðsvenjara
ÍA hevur sett Martin Damgaard sum nýggjan høvuðs barna- og ungdómsvenjara fyri kappingarárið 2025/26. Venjarin fer harumframt at hjálpa til hjá 1. deild monnum.
Martin hevur DHF Børnetræneruddannelsen, umframt fleiri onnur venjara modul og viðkomandi skeiðir. Hann er komin inn á donsku talentvenjaraútbúgvingina hjá DHF, sum hann fer at taka komandi árið, meðan hann er í Føroyum. Martin hevur verið venjari síðan 2011, og hevur royndir við at venja alt frá Mini til U19. Síðan 2021 hevur Martin verið venjari í KLG Håndbold, har hann hevur vant G15, D15 og D19 í bæði A og B rækken.
KLG Håndbold vann í 2019 "Antibulli Håndbold Prisen”. Mikkel Hansen segði m.a. í sambandi við handanina: “KLG står for Kammeratskab, Leg og Glæde. De tre nøgleord beskriver, hvordan klubben tænker og agerer. De har formået at skabe en ungdomsafdeling, hvor der er plads til alle – uanset niveau og ambitioner.”
Høvuðsvenjarin fer at skipa dagligu venjingarnar, og arbeiða fyri at allir okkara leikarar mennast og fáa møguleika at kenna seg sum partur av felagnum. Høvuðvenjarin fer eisini, saman við nevndini og hjálparvenjarum, at ganga á odda fyri at skapa eitt jaligt, mennandi og savnandi ítrottarumhvørvi fyri leikarar, sjálvboðin, foreldur og íbúgvar á Argjum.
Nevndin í ÍA fegnast um avtaluna. Vit gleða okkum til samstarvið við Martin Damgaard, ynskja honum vælkomnum til Argjar og bestu eydnu í starvinum.